اسلام آباد( پاکستان پوائنٹ نیوز09۔جون2018ء ) پاک امریکا سفارتی تعلقات وچ بہتری دی آس ،دوویں پاسیوں سفارتکاراں تے عملے اُتے لائیاں گئیاں پابندیا ں ختم کیتیاں جان گیاں۔وسیلیاں مطابق سفارتی کشیدگی وچ کمی لئی دوویں پاسیوں سفارتی پابندیاں ہولی ہولی گھٹ کیتیاں جان گیاں۔ اعتماد بحالی لئی امریکا چھیتی سفارتکاراں اُتے لائیاں گئیاں پابندیاں نرم کر سکدا اے جدکہ پاکستان وی ایہدا بہتر جواب دیوے گا۔
پاکستان ولوں سفارتکاراں نوں َحراساں کرن بارے رپورٹ دا نظام وضع کرن نال دوویں ملکاں وچکار تعلقات دی بہتری لئی مدد ملی اے۔ امریکا نے 11مئی نوں واشنگٹن وچ موجود پاکستانی سفارتکاراں اُتے سفری پابندیاں لائیاں سن ، جواب وچ دفتر خارجا نے پاکستان وچ موجود امریکی سفارتکاراں دی آوا جاوی(نقل و حرکت) محدود کرن دا اعلان کیتا۔
