پاکستان خلاف گرے ہائی برڈ جنگ بارے اہم انکشاف

پاکستان خلاف گرے ہائی برڈ جنگ بارے اہم انکشاف

اسلام آباد( پاکستان پوائنٹ نیوز08۔جون2018ء ) پاکستان دے خلاف گرے ہائی برڈ جنگ بارے جنرل زبیر محمد حیات نے اہم انکشاف کر دتا ۔ چیئرمین جوائنٹ چیفس آف سٹاف کمیٹی جنرل زبیر محمود حیات نے آکھیا کہ گرے ہائی برڈ جنگی طریقہ کار مشرقی پاکستان وچ ساڈے خلاف استعمال کیتا گیا سی۔ چیئرمین جوائنٹ چیفس آف سٹاف کمیٹی جنرل زبیر محمود حیات نے اک تقریب نال خطاب کردے ہوئے دسیا کہ گرے زون ہائی برڈ چیلنجز وچ مجرمانہ سرگرمیاں تے ہور طریقہ کار شامل اے، ایس طرحاں دا طریقہ مخصوص سیاسی و غیر سیاسی ٹارگٹ نوں نشانہ بنان لئی حاصل کیتا جاندا اے۔

اجیہے طریقے وچ ریاستی اداریاں اُتے بھروسہ نہ کرن نوں فروغ دتا جاندا اے۔ پاکستان وچ گرے ہائی برڈ جنگی طریقہ کار دی ورتوں دشمن ولوں جاری اے۔ اوہناں نے ہور دسیا کہ گرے ہائی برڈ جنگی طریقہ کار اک مخصوص ویلے تیکر محدود کرنا ضروری ہوندا اے۔ ساڈیاں سرحداں نیڑے ای دہشت گرداں نوں تربیت دتی گئی۔ 1971وچ گرے ہائی برڈ جنگی طریقہ کاردا ذکر ہر زبان اُتے نہیں سی۔

چیتے رہوے کہ پچھلے کُجھ چِر توں پاکستان دہشت گردی دا شکار اے۔ پاکستان دے گوانڈھی ملک بھارت تے افغانستان دے وی پاکستان اندر دہشت گردی وچ ملوث ہون دے ثبوت ملے نیں۔ پاکستان نے دہشت گردی دے خاتمے لئی آپریشن ضرب عضب شروع کیتا، جیہدے تحت کئی دہشت گرداں نوں ہلاک کیتا گیا۔ایہو نہیں پاکستان نے بلوچستان وچ نفرت کھلارن والے و ملک بھر وچ دہشت گردی دیاں کارروائیاں وچ ملوث بھارتی جاسوس کلبھوشن یادیو نوں وی گرفتار کیتا ۔