29ویں روزے شوال دا چن نظر آن دی آس گھٹ اے:محکمہ موسمیات

29ویں روزے شوال دا چن نظر آن دی آس گھٹ اے:محکمہ موسمیات

کراچی( پاکستان پوائنٹ نیوز08۔جون2018ء ) ڈائریکٹر محکمہ موسمیات نے آکھیا اے کہ 29ویں روزے شوال دا چن نظر آن دی آس گھٹ اے۔ ڈائریکٹر محکمہ موسمیات عبدالرشید نے گل بات کردے ہوئے آکھیاکہ شوال دے چن دی پیدائش 14جون دی رات 12وجے دے نیڑے ہوئے گی، 14جون دی شام تیکر چن دی عمر 19گھنٹے، تن منٹ ہوئے گی سورج غروب ہون مگروں 39منٹ تیکر چن نظر آن دا ویلا اے۔ عبدالرشید نے دسیا کہ جو ن نوں بدل صاف تے کدی صاف نہ رہن دی آ س اے۔ کراچی وچ چن دی عمر 19گھنٹے23منٹ ہوئے گی ،ایس لئی 29ویں روزے چن نظر آن دی آس گھٹ اے۔ دوجے پاسے پچھلے دیہاڑے محکمہ موسمیات نے شوال دے چن بارے وزارت مذہبی امور نوں وی دس دتا اے۔اپنے پیغام وچ وزارت مذہبی امور دا کہنا اے کہ 29ویں روزے نوں چن نظر آن دی آس بہت گھٹ اے۔