بھارتی فوج ولوں جیپ اگے بنھے گئے کشمیری نوجوان نوں بھارتی شو ’بگ باس‘ وچ رلت دی آفر

لاہور( پاکستان پوائنٹ نیوز08۔جون2018ء ) بھارتی فوج ولوں جیپ اگے بنھے گئے کشمیری نوجوان نوں ’بگ باس‘ سیزن 11وچ رلت دی آفر ہوئی سی۔ بھارتی فوج ولوں ڈھال بنائے جان والے کشمیری نوجوان نے بالی ووڈ اداکار سلمان خان دے شو وچ رلت دی آفر نوں رد کر دتا۔ میڈیا رپورٹس مطابق پچھلے ورھے اپریل وچ مقبوضہ کشمیر وچ بھارتی فوج ولوں ظلم دا واقعہ ساہمنے آیا سی، جیہدے وچ قابض فوج نے پتھراں توں بچن لئی کشمیری نوجوان فاروق ڈار نوں جیب دے بمپر نال بنھ دتا سی۔

فاروق نوں بھارتی ظالم فوج نے انسانی ڈھال بنا کے کئی علاقیاں وچ وی گھمایا۔ قابض بھارتی فوج نے کشمیری نوجوان اُتے ایہ الزام لایا کہ سی کہ نوجوان پتھر مارن وچ ملوث سی ۔ میڈیا رپورٹس مطابق ذکر کیتے گئے کشمیری نوجوان نوں دنیا دے مشہور ترین شو ’بگ باس‘ سیزن 11وچ رلت دی آفر کیتی گئی سی۔ پر ہن ایس کشمیری نوجوان ولوں بالی ووڈ اداکار سلمان خان دے شو ’بگ باس‘ دے سیزن 11وچ رلت دی آفر نوں رد کرن دی خبر ساہمنے آئی اے۔ اپنے اک انٹرویو دوران فاروق ڈار دا کہنا سی کہ بگ باس دے پروڈیوسر نے مینوں شو وچ رلت کرن دے بدلے 50لکھ رُپئے دی آفر وی کیتی سی پر میں اوس آفر نوں قبولن توں انکار کر دتا۔ چیتے رہوے کہ ’بگ باس‘ نوں نہ صرف بھارت بلکہ پوری دنیا وچ ویکھیا جاندا اے۔