اسلام آباد( پاکستان پوائنٹ نیوز07۔جون2018ء ) مسلم لیگ (ن) مگروں اے این پی نے وی ڈاکٹر حسن عسکری اُتے اعتراض چُکیا اے۔ اے این پی دا موقف اے کہ ایس توں بہتر سی کہ فواد چودھری نوں نگران وزیر اعلا بنا دیندے اوہ گھٹو گھٹ جمہوری اقتدار اُتے یقین رکھدا اے، ڈاکٹر حسن عسکری جمہور ی اقتدار اُتے یقین نہیں رکھدے۔ تفصیل مطابق مسلم لیگ (ن) مگروں عوامی نیشنل پارٹی نے وی پنجاب دے نامزد نگران وزیر اعلا ڈاکٹر حسن عسکری نوں جھیڑوا(متنازعہ) قرار دے دتا۔
اے این پی دا موقف اے کہ حسن عسکری جانبدار بندے نیں تے جمہوری اقدار اُتے یقین نہیں رکھدے۔ اے این پی دا کہناسی کہ ایس توں بہتر سی کہ فواد چودھری نوں نگران وزیر اعلا بنا دیندے اوہ گھٹو گھٹ جمہوری اقتدار اُتے یقین رکھدا اے۔اوہناں د ا ہور کہنا سی کہ سانوں لگدا کہ ڈاکٹر حسن عسکری غیر جانبدار انتخابات کروا سکدے نیں۔ چیتے رہو ے کہ مسلم لیگ (ن) پہلے ای ڈاکٹر حسن عسکری دے ناں نوں بطور نگران وزیر اعلا پنجاب رد کر چکی اے۔
ایس حوالے نال صدر مسلم لیگ (ن) شہباز شریف دا کہنا سی کہ حسن عسکری دا بطور نگران وزیر اعلا پنجاب چناؤ غیر جانبداری نہیں۔ حسن عسکری مسلم لیگ (ن) خلاف تنقیدی رویہ رکھدے نیں۔ حسن عسکری الیکشن وچ دیر دے حق وچ نیں۔ حسن عسکری دے چناؤ دے نتیجے وچ الیکشن کمیشن دا امیج بُری طرحاں متاثر ہوئے گا۔
