پشاور( پاکستان پوائنٹ نیوز06۔جون2018ء ) سپریم کورٹ نے نگران وزیر اعلا خیبرپختونخوا توں عدالتی گڈی واپس لین دا حکم دے دتا، ہن اوہ جج نہیں بلکہ سیاسی سیٹ اُتے کم کر رہے نیں، ہن پتا لگا کیوں فل کورٹ ریفرنس نہیں لے رہے سن۔ میڈیا رپورٹس مطابق سپریم کورٹ پشاور رجسٹری وچ سرکاری گڈیاں بارے کیس دی سنوائی ہوئی۔ کیس دی سنوائی کرن والے بنچ دی سربراہی چیف جسٹس ثاقب نثار نے کیتی۔
ایس موقعے تے عدالت نے صوبے دے سارے غیر متعلقہ بندیاں کولوں گڈیاں واپس لین دا حکم جاری کیتا۔ سپریم کورٹ نے نگران وزیر اعلا توں سپریم کورٹ دی گڈی واپس لین دا حکم وی دتا۔ چیف جسٹس ثاقب نثار نے ریمارکس دتے کہ ہن اوہ جج نہیں بلکہ سیاسی سیٹ اُتے کم کر رہے نیں۔ اوہناں نے آکھیا کہ ہن پتا لگا کہ فل کورٹ ریفرنس کیوں نہیں لے رہے سن۔ ایس توں پہلاں سردار ایاز صادق دی لاہور ہائی کورٹ دے فیصلے خلاف اپیل دی سنوائی چیف جسٹس سپریم کورٹ جسٹس ثاقب نثار دی سربراہی وچ تن رکنی بنچ نے کیتی۔
عدالت نے انتخابی امیدواراں لئی بیان حلفی ضروری قرار دیندے ہوئے الیکشن کمیشن نوں حکم دتا کہ بیان حلفی دا متن اج ای سپریم کورٹ وچ جمع کروایا جائے۔سپریم کورٹ نے لاہور ہائی کورٹ دا تفصیلی حکم نامہ پیش کرن دی ہدایت وی کیتی۔ چیف جسٹس نے پُچھیا کہ جیہڑے لوکاں نے قوم نوں مصیبت وچ پایا اوہ عدالتی کمرے وچ موجود نیں؟امیدوار بارے جو معلومات رہندیاں اوہ اوہ الیکشن کمیشن نوں دیو۔
ایاز صادق دے وکیل نے دسیا کہ کاغذات نامزدگی وچ ایس طرحاں دیاں معلومات پُچھیاں گیاں جو لازمی نہیں سن۔ چیف جسٹس ثاقب نثار نے آکھیا کہ امیدوار ریٹرننگ افسرا ں نوں ساریاں معلومات دین تاکہ پاکستانیاں نوں اپنے امیدواراں دی ساکھ دا پتا ہوئے۔ سپیکر کیوں شرما رہے نیں کہ لوکائی کول اپنے نمائندیاں دیاں معلومات نہ ہون کیوں نہ حکم امتناع واپس لئے تے خبر بندی اے تے بنن دیو۔
چیف جسٹس نے پُچھیا کہ کیہ ایاز صادق کوئی معلومات لُکانا چاہندے نیں۔ وکیل شاہد حامد نے دسیا کہ ایاز صادق کُجھ نہیں لُکانا چاہندے۔ چیف جسٹس نے پُچھیا کہ جے کُجھ لُکانا نہیں تے جھیڑا کس گل دا ۔ وکیل ایاز صادق نے دسیا کہ پارلیمنٹ نے قانون پاس کیتا تے سینیٹ الیکشن وی ایسے قانون دے تحت ہویا۔ پارلیمنٹ توں منظور ہویا قانون ملکی قانون بن گیا اے۔
جسٹس عظمت سعید نے آکھیا کہ الیکشن التواء وچ نہیں جاواں گے۔ چیف جسٹس نے آکھیا کہ بیان حلفی دا نمونہ بنا کے عدالتی حکم نامے وچ شامل کر دینے آں۔ امیدوار بیان حلفی اُتے معلومات درج کر کے تن دن وچ الیکشن کمیشن نوں دین۔ نویں کاغذات نامزدگی نہیں چھپن گے۔ الیکشن کمیشن بیان حلفی دا متن تیار کرے۔دوجے پاسے الیکشن کمیشن نے بیان حلفی دا متن تیار کرن لئی صلاح شروع کر دتی اے۔الیکشن کمیشن دا کہنا اے کہ رات 12وجے تیکر بیان حلفی تیار کر کے عدالت وچ پیش کیتا جائے گا۔
