لاہور( پاکستان پوائنٹ نیوز06۔جون2018ء ) ایس پی جمیل ہاشمی دا سپریم کورٹ دے فیصلے مگروں ردعمل وچ کہنا سی کہ اک جعلی رپورٹر دے بیان اُتے مینوں سزا دتی گئی، مینوں سزا ہون نال ایہ گل ثابت ہو گئی اے کہ پاکستان وچ قانون انھا اے۔تفصیل مطابق سپریم کورٹ نے سابق چیف جسٹس جسٹس افتخارمحمد چودھری نال بدسلوکی کرن والے پولیس افسراں تے 2007وچ اسلام آباد انتظامیہ دے اعلا عہدیداراں اُتے سزا دا فیصلا برقرار رکھیا اے۔
افتخار محمد چودھری بدسلوکی کیس وچ گیارھاں سال مگروں سزا ہون اُتے ایس پی جمیل ہاشمی دا کہنا سی کہ اج ثابت ہو گیا اے کہ ایہ انھا قانون اے، ایس کیس وچ اک بے گناہ بندے نوں سزا دتی گئی اے۔ مینوں صرف اک جعلی اخبار دے رپورٹر دے بیان اُتے سزا دتی گئی اے ۔میں روزے نال آں تے کلمہ پڑھ سکدا آں کہ میں اوس تھاں نہیں سی جتھے ایہ واقعہ ہویا سی۔ایس پی جمیل ہاشمی دا کہنا سی کہ مینوں سزا ہون نال ایہ گل ثابت ہوئی اے کہ پاکستان وچ انھا قانون اے۔
چیتے رہوے کہ سپریم کورٹ دے پنج رکنی بنچ نے اج افتحار محمد چودھری توہین عدالت کیس دا فیصلا سُنایا اے۔ عدالت نے ملزماں دی ضمانت درخاست رد کر دتی۔ عدالت نے اسلام آباد پولیس تے سابقہ انتظامیہ خلاف سزا دا فیصلا برقرار کھیا ۔ توہین عدالت دے مجرماں وچ سابق چیف کمشنر اسلام آباد خالد پرویز، سابق آئی جی پولیس اسلام آباد، چودھری افتخار احمد،سابق ڈی سی اسلام آ باد چودھری محمد علی، سابق ایس ایس پی اسلام آباد کیپٹن (ر) ظفر اقبال، موجودہ ایس پی جمیل ہاشمی، ڈی ایس پی رخسار مہدی تے (ر) پولیس اے ایس آئی سراج احمد شامل نیں۔
توہین عدالت دے مجرماں وچ سابق چیف کمشنر اسلام آباد خالد پرویز نوں عدالت برخاست ہون تیکر جدکہ سابق آئی جی پولیس اسلام آباد چودھری افتخار احمد نوں 15دن دی سزا سُنائی سی۔
