اسلام آباد( پاکستان پوائنٹ نیوز06۔جون2018ء ) ریحام خان دی کتاب نے مارکیٹ وچ آن توں پہلاں ای سوشل میڈیا اُتے طوفان لیاندا ہویا اے۔ ریحام خان نے اپنی کتاب وچ عمران خان ،مراد سعید تے حمزہ علی عباسی اُتے ہم جنس پرستی دا الزام لایا ، جیہدے جواب وچ مائیکر بلاگنگ ویب سائٹ ٹویٹر اُتے اپنے پیغام وچ پی ٹی آئی رہنما مراد سعید دا کہنا سی کہ میں ریحام خان تے اوہناں دی کتاب وچ میرے سنے ہر کسے بارے لکھی گئی گھناؤنی گل دے جواب وچ کُجھ نہیں آکھنا۔اوہناں دا کہنا سی کہ ایہ سبھ شرمناک اے کہ ایہنوں اکھراں وچ بیان نہیں کیتا جا سکدا۔ صاف نظر آ رہیا ا ے کہ ریحام خان دیاں ایہناں گلاں پچھے کیہدا ہتھ اے۔ ریحام خان تے اوہناں دے مدد گاراں نے ساریاں حداں پار کر دتیاں نیں۔
چیتے رہوے کہ پچھلے دیہاڑے نجی ٹی وی چینل دے اک پروگرام وچ گل بات کردے ہوئے اینکر شہزاد اقبال نے ریحام خان دی کتاب بارے اہم انکشاف کردے ہوئے آکھیا کہ ریحام خان نے اپنی کتاب وچ عمران خان، حمزہ علی عباسی تے مراد سعید بارے خطرناک الزام لائے نیں۔ ریحام خان نے اپنی کتاب وچ اپنے سابق شوہر و چیئرمین تحریک انصاف عمران خان، حمزہ علی عباسی تے مراد سعید اُتے ہم جنسی پرست ہون دا الزام لایا اے۔ ریحام خان نے اپنی کتاب وچ واضح طور اُتے لکھیا اے کہ عمران خان، مراد سعید تے حمزہ علی عباسی دے اک دوجے نال تعلقات سن تے ایہناں تِناں دے ہم جنس پرستی دے معاملات سن۔ ریحام خان نے اپنی کتاب وچ لکھیا اے کہ جدوں مراد سعید تے حمزہ علی عباسی بنی گالا آؤندے سن تے اوہ عمران خان نال اکلے ملاقاتاں کردے سن۔کیونکہ حمزہ علی عباسی مُونہ متھے لگدا اے۔
