اسلام آباد/ماسکو( پاکستان پوائنٹ نیوز05۔جون2018ء ) روسی صدر ولادی میر پیوٹن نے پاکستان نال تعلقات پکے کرن تے ودھان دا اشارہ دیندے ہوئے صدر مملکت ممنون حسین نال ملاقات دی خاہش دا اظہار کر دتا۔ نجی ٹی وی چینل مطابق روس نے پاکستان نال تعلقات پکے کرن تے ودھان دا اشارہ دے دتا اے۔ روسی صدر نے شنگھائی تعاون تنظیم دے اجلاس (ایس سی او) کانفرنس وچ صدر ممنون حسین نوں ملاقات دی درخاست کیتی اے۔
دوجے پاسے پاکستان نے وی روسی صدر دی درخاست دا مثبت جواب دتا اے۔ ولادی میر پیوٹن تے ممنون حسین وچکار ملاقات طے ہو گئی اے۔ وسیلیاں مطابق روسی صدر ولادی میر پیوٹن تے صدر مملکت ممنون حسین وچکار ملاقات ایس سی او کانفرنس دی سائیڈ لائن اُتے ہوئے گی تے ایس حوالے نال سکیورٹی ڈویژن نے ناصر جنجوعہ دے دورہ روس دوران پیش رفت توں صدر نوں آگاہ کر دتا جدکہ ناصر جنجوعہ نے خطے وچ پاکستان دی اہمیت بارے روسی حکام نوں تفصیل نال آگاہ کیتا۔
