ایس وار روزے 29ہون گے یاں 30

اسلام آباد( پاکستان پوائنٹ نیوز05۔جون2018ء ) محکمہ موسمیات نے شوال دے چن بارے پیشنگوئی کر دتی۔ محکمہ موسمیات مطابق سائنسی لحاظ نال 29ویں روزے نوں شوال دا چن نظر آن دی آس گھٹ اے۔ محکمہ موسمیات نے شوال دے چن دی عمر دے حوالے نال وزارت مذہبی امور نوں تفصیلاں گھل دتیاں۔ محکمہ موسمیات مطابق شوال دے چن دی پیدائش 14جون دی رات 12:45اُتے ہوئے گی۔ سورج ڈُبن نال چن 39منٹ تیکر آسمان اُتے وکھالی دیوے گا۔ سورج ڈُبن اُتے چن دی عمر 19گھنٹے3منٹ ہوئے گی۔