کراچی( پاکستان پوائنٹ نیوز04۔جون2018ء ) عامر لیاقت حسین نے اپنے سیاسی مستقبل دا اعلان کر دتا اے۔ تفصیل مطابق تحریک انصاف دے رہنما عامر لیاقت حسین تے پارٹی قیادت وچکار ٹکٹ دے معاملے اُتے اختلافات ودھ گئے نیں۔ تحریک انصاف کراچی دے صدر فردوس شمیم نقوی نے عامر لیاقت حسین نوں تحریک انصاف دا ٹکٹ دین توں انکار کر دتا اے۔ جدکہ فردوس شمیم نقوی نے عامر لیاقت اُتے ڈاڈھی تنقید وی کیتی اے۔ ایس ساری صورتحال مگروں عامر لیاقت حسین نے وی ڈاڈھا ردعمل دتا اے۔ عامر لیاقت حسین دا کہنا ا ے کہ بہت آس اے اوہ تحریک انصاف نوں چھڈ دین گے۔ پر کوششاں ہو رہیاں نیں کہ کسے طرحاں اوہناں نوں پارٹی چھڈن توں روک لیا جائے۔ عامر لیاقت حسین دا کہنا سی کہ اوہناں نوں پتا کہ ایس ساری صورتحال وچ کیہ کرنا چاہیدا، پر اوہ ایہو آکھن گے ’روک سکو تو روک لو‘
عامرلیاقت حسین دا کہناسی کہ اوہناں بارے بہت غلط گلاں کیتیاں گئیاں نیں۔ تحریک انصاف نوں اپنا گھر سمجھ کے آیا سی، پر اوہناں نوں فردوس شمیم نقوی ولوں فیر وی ٹکٹ نہیں دتا گیا۔
