مظفر آباد( پاکستان پوائنٹ نیوز04۔جون2018ء ) مری وچ غنڈہ گرد عناصر دا راج ، مری وچ لوک غیر محفوظ، سیاحاں مگروں ہن آزاد کشمیر توں سدھا مری آن جان والے مسافر وی محفوظ نہ رہے۔ دیول دے مقام اُتے مظفر آباد توں اسلام آباد جان والے اک خاندان نوں روک کے نوجوان نوں تشدد دا نشانہ بنایاگیا۔ تفصیل مطابق آزاد کشمیر دے دارالحکومت وچ جدوں انتظامیہ نے مری توں آن والے غیر معیاری دُدھ اُتے پابندی لائی تے کُجھ شرپسند عناصر نے اپنے ملاوٹی کاروبار نوں بچان لئی مری وچ علاقائی تعصب نوں ہوا دین لگے۔
پچھلی رات مظفر آباد توں اسلام آباد جان والا راجا توصیف اپنی فیملی نال جدوں دیول دے مقام توں لنگھیا تے سڑک اُتے موجود درجناں دے حساب نال کھلوتے ڈنڈا پھرے ٹینکر مافیا نے راجا توصیف دی گڈی نوں روکیا تے غصے وچ اوہناں نوں آکھیا کہ دُدھ مظفر آباد کیوں نہیں ویچن دے رہے؟دُدھ نما وائنٹنر جو خطرناک کیمیکل نال رلیا ہویا اے، بازارں وچ وک رہیا۔ مظفر آباد وچ وائٹنر دُدھ دی ویچ وٹک اُتے لیبارٹری ٹیسٹ مگروں پابندی لائی گئی۔ پچھلے ڈیڈھ مہینے توں نامعلوم وجہ کارن وائٹنر نما دُدھ فیر وک رہیا اے۔ ضلعی انتظامیہ دے نوٹس مگروں وائٹنر دُدھ اُتے پابندی لائی گئی اے۔
