اسلام آباد( پاکستان پوائنٹ نیوز02۔جون2018ء ) پی ٹی آئی چیئرمین عمران خان دی دوجی سابقہ بیوی ریحام خان نے لندن وچ حسین حقانی نال ملاقات کیتی۔ قومی اخبار وچ چھپن والی رپورٹ مطابق ریحام خان نے لندن وچ پاکستان دشمن حسین حقانی نال ملاقات کیتی۔ لندن وچ ہون والی ملاقات نوں کیمرے دی اکھ نے محفوظ کر لیا۔ دوواں دی ملاقات لندن دے مشہور ہوٹل باروے نکلز وچ ہوئی۔ملاقات دوران کئی امور بارے وچار وٹاندرا ہویا۔ پر ایہ پتا نہیں لگ سکیا کہ ریحام خان تے حسین حقانی وچکار کیہ گل ہوئی۔ لندن دے سیاسی حلقیاں نے ایس ملاقات نوں بہت اہمیت دتی، سیاسی تجزیہ کاراں دا کہنا ا ے کہ جس بے تکلفی نال ریحام خان نے حسین حقانی نال ملاقات کیتی، نوں ویکھ کے انج نہیں لگدا کہ ایہ ایہناں دوواں دی پہلی ملاقات اے۔
مائیکرو بلاگنگ ویب سائٹ ٹویٹر اُتے اپنے پیغام وچ ریحام خان نے حسین حقانی نال ملاقات دی تصویر وی پوسٹ کیتی۔ ایس تصویر وچ ریحام خان نال اوہناں دا پُتر وی اے۔ایس ملاقات بارے سوشل میڈیا اُتے جاری تبصرے دے جواب وچ ریحام خان نے آکھیا کہ میری زندگی بند بوہے پچھے موجود اک راز وانگ نہیں اے۔چیتے رہوے کہ ریحام خان دی کتاب بارے وی پاکستانی اداکارہ حمزہ عباسی نے کئی انکشافات کیتے نیں، جیہدی وجہ توں ریحام خان نوں ڈاڈھی تنقید دا ساہمنا اے۔
