پشاور( پاکستان پوائنٹ نیوز31۔مئی2018ء ) عوامی نیشنل پارٹی دے مرکزی رہنما و ملک دے سینئر پارلیمنٹرین سینیٹر الیاس احمد بلور نے بس ریپٹڈ ٹرانزٹ منصوبے وچ پونے تن کروڑ رُپئے مالیت دی فی بس خریدن اُتے پرویز خٹک خلاف نیب تحقیقات دا مطالبہ کیتا اے۔ اوہناں نے آکھیا اے کہ پنجاب وچ کوریا توں اک کروڑ رُپئے مالیت دی فی میٹرو بس خریدی گئی جدکہ خیبرپختونخوا وچ چائنا توں پونے تن کروڑ رُپئے مالیت دی فی بس خریدی گئی ۔
اک بیان وچ اوہناں نے آکھیا کہ نیب بس ریپٹڈ ٹرانزٹ منصوبے وچ ہون والی کرپشن تے بے قاعدگیاں دی غیر جانبدار تحقیقات کرے، خاص طور اُتے بساں دی خریداری وچ ہون والی کرپشن لوکائی ساہمنے لیاندی جائے تاں جے اوہناں نوں پتا لگ سکے کہ ایس صوبے وچ کرپشن کرن والیاں نے تبدیلی دے ناں اُتے لوکائی نوں کس طرحاں لُٹیا تے کرپشن دے بازار گرم کیتے۔ سینیٹر الیاس احمد بلور نے آکھیا کہ جے نیب نے بی آر ٹی منصوبے وچ ہون والی کرپشن دیاں غیر جانبدار تحقیقات نہ کیتیاں تے لوکائی دا ایس ادارے توں اعتماد چُکیا جائے گا۔
