شمالی وزیرستان( پاکستان پوائنٹ نیوز30۔مئی2018ء ) شمالی وزیرستان وچ میرانشاہ دے علاقے دتہ خیل وچ سکیورٹی اہلکاراں دی گڈی نوں نشانہ بناندے ہوئے ریموٹ کنٹرول بم دھماکا کیتا گیا اے۔ بم دھماکے دے نتیجے وچ لانس نائیک مومن علی تے سپاہی سلیم سنے 3اہلکار زخمی، سرچ آپریشن شروع کر دتا گیا۔ تفصیل مطابق دہشت گرداں نے روزیاں دے مقدس مہینے وچ وی اپنے کارروائیاں جاری رکھیاں ہویاں نیں۔
اطلاع مطابق دہشت گرداں ولوں شمالی وزیرستان وچ میرانشاہ دے علاقے دتہ خیل وچ سکیورٹی اہلکاراں دی گڈی نوں نشانہ بناندے ہوئے ریموٹ کنٹرول بم دھماکا کیتا گیا اے۔ دھماکے دے نتیجے وچ دو اہلکار شہید تے تن زخمی ہون دی اطلاع اے۔ مڈھلیاں اطلاعواں مطابق دھماکا ریموٹ کنٹرول ڈیوائس راہیں کیتا گیا اے۔ شہید ہون والے اہلکاراں وچ لانس نائیک مومن علی تے سپاہی سلیم شامل نیں جدکہ زخمی ہون والیاں وچ سردار اکبر، شاکر تے عاصم مختیار شامل نیں۔ آئی ایس پی آر مطابق اطلاع ملدے ای متعلقہ ادارے موقع تے اپڑ گئے نیں۔ دوجے پاسے زخمیاں نوں علاج لئی سی ایم ایچ پشاور منتقل کیتا جا رہیا اے۔سکیورٹی فورسز نے علاقے نوں گھیرے وچ لیندے ہوئے سرچ آپریشن وی شروع کر دتا اے۔
