لاہور( پاکستان پوائنٹ نیوز30۔مئی2018ء ) وزیر اعلا پنجاب میاں شہباز شریف دا کہنا اے کہ ایہ 1988دے زمانے دی گل اے چودھری نثار میرے مخالف سن تے نواز شریف نوں میریاں شکایتاں کردے سن۔ تفصیل مطابق پرچا کار نے وزیر اعلا پنجاب شہباز شریف توں سابق وزیر داخلا و(ن)لیگ دے ناراض رہنما چودھری نثار بارے سوال کیتا کہ کیہ ایس وار چودھری نثار علی خان نوں منا لوو گے؟جواب وچ شہباز شریف دا کہنا سی کہ رب خیر کرے گا۔
شہباز شریف دا ہور کہنا سی کہ چودھری نثار صاحب دی اصل وچ دوستی تے بھائی چارہ نواز شریف نال سی۔ چودھری نثار نال میرا تعلق نواز شریف راہیں ہویا۔ ایہ 1988دے زمانے دی گل اے۔ چودھری نثار میرے مخالف سن۔ چودھری نثار نواز شریف نوں میریاں شکایتاں کردے سن۔ چودھری نثار نال میرا تعلق نواز شریف راہیں ہویا۔ چودھری نثار نال کُجھ چِر ایس طرحاں دا گزریا فیر اوہ میرے دوست بن گئے۔
ایس موقعے تے شہباز شریف دا ہور کہنا سی کہ نواز شریف دی قیادت وچ صحت کارڈ فعال کراں گے۔ پنجاب وچ 100ارب رُپئے دے منصوبیاں راہیں پورے ملک نوں بجلی مل رہی اے۔ چیتے رہوے کہ چودھری نثار علی خان آپ اک پریس کانفرنس وچ ایس گل دا اعلان کر چکے نیں کہ اوہ نواز شریف تے شہباز شریف نال تے کم کر سکدے نیں پر مریم نواز نال نہیں۔نواز شریف وی ایس معاملے اُتے اپنی دھی نال نیں تے ایہو وجہ اے کہ اوہناں نے چودھری نثار راہیں تقریبن وکھ ہو گئے نیں پر شہباز شریف اجے وی چودھری نثار نوں منان دی کوشش کر رہے نیں۔
