کراچی (پاکستان پوائنٹ نیوز۔27ستمبر 2016) کراچی وچ محرم الحرام دی سکیورٹی دے پیش نظر صدر توں 50 مشتبا بندیاں نُوں حراست وچ لے لیا گیا۔ منگھو پیر پولیس نے پہلے توں گرفتار ملزماں دی نشاندہی اُتے قبرستان وچ لُکایا گیا اسلحا برآمد کر لیا جد کہ الفلاح تے کورنگی انڈسٹریل پولیس نے چار ملزماں نُوں گرفتار کر لیا۔ محرم الحرام وچ سیکیورٹی نُوں یقینی بنان لئی پریڈی پولیس نے صدر دے مختلف علاقیاں وچ سرچ اپریشن کیتا جہدے دوران ہوٹلاں دی تلاشی لئی گئی تے 50 بندیاں نُوں حراست وچ لے لیا گیا۔
پولیس مطابق سارے بندیاں نُوں کوائف چیک کرن تے پُچھ گِچھ دے بعد چھڈ دِتا جاوے گا منگھو پیر غازی گوٹھ وچ پولیس تے حساس اداریاں نے سانجھی کارروائی کیتی تے قبرستان وچ کھدائی کر کے وڈی گتی وچ اسلحا تے گولا بارود برآمد کر لیا۔
