پیپلز پارٹی دی رکن سندھ اسمبلی شرمیلا فاروقی ماں بن گئیاں

کراچی( پاکستان پوائنٹ نیوز26۔مئی2018ء ) پیپلز پارٹی دی رکن سندھ اسمبلی شرمیلا فاروقی ماں بن گئیاں۔ اوہناں نے کراچی دے نجی ہسپتال وچ پُتر نوں جم دتا اے۔ ماں پیو بنن دی خشخبری شرمیلا دے خاوند حشام ریاض شیخ نے سماجی رابطے دی ویب سائٹ ٹویٹر اُتے دتی۔ پیدا ہون والے بال دا ناں حسین رکھیا گیا اے۔ اپنے پیغام وچ حشام دا کہنا سی کہ اسیں حسین نوں دنیا وچ جی آیاں آکھدے آں، شرمیلا تے بال دوویں ٹھیک نیں۔ بال لئی تہاڈیاں نیک خاہشاں تے دعاواں دی ضرورت اے۔ چیتے رہوے کہ نجی ٹی چینل دے مالک حشام ریاض شیخ تے شرمیلا فاروقی داویاہ 2015نوں ہویا سی۔ایہ اوہناں دا پہلا بال اے۔