لاہور( پاکستان پوائنٹ نیوز25۔مئی2018ء ) الیکشن کمیشن نے الیکشن 2018دے نتیجے شفاف بنان دی حکمت عملی تیار کر لی اے، الیکشن کمیشن نے آر ایم ایس رزلت مینجمنٹ سسٹم نوں بہتر بنان دا دعوا کیتا اے۔ وسیلیاں مطابق الیکشن کمیشن نے رزلٹ مینجمنٹ سسٹم 2013وچ شروع کیتا سی پر کئی مسئلیاں دی وجہ توں ایس سسٹم نوں ناکامی دا ساہمنا کرنا پیا۔ الیکشن کمیشن مطابق ناکامی پولنگ عملے دی مناسب ٹریننگ نہ ہون دی وجہ توں ہوئی سی ، ہن آر ایم ایس سسٹم وچ بہتری آ گئی اے۔
وسیلیاں مطابق رزلٹ مینجمنٹ سسٹم دا عین مرکز الیکشن کمیشن آف پاکستان ہوئے گا۔ ضلعی پدھر(سطح) اُتے وی آر ایم ایس دے تحت ریکارڈ ترتیب دتا جائے گا۔ ریکارڈ وچ پولنگ سٹیشن دی نقشے نال گنتی اتے امیدواراں، ووٹراں دی گنتی تے فارم 47،48تے 49اکٹھے کیتے جان گے۔
