چپیڑ مگروں ٹی وی شو وچ سوٹی وکھا دتی گئی

چپیڑ مگروں ٹی وی شو وچ سوٹی وکھا دتی گئی

اسلام آباد( پاکستان پوائنٹ نیوز24۔مئی2018ء ) پیپلز پارٹی دے رہنما نبیل گبول نے لائیو پروگرام دوران مسلم لیگ (ن) دے رہنما زعیم قادری نوں سوٹی وکھا دتی۔ نبیل گبول دا کہنا سی کہ ایہ سوٹی سارے مسلم لیگ (ن) والیاں نوں وکھا رہیا واں تے اوہناں نوں خبردار کرنا واں کہ اوہناں نال جو ہون والا اے اوہ چنگا نہیں اے۔ تفصیل مطابق الیکشن دا ویلا نیڑے اے۔ جیویں جیویں الیکشن دا ویلا آؤندا جا رہیا اے اوویں اوویں ای سیاسی ماحول وی گرم ہوندا جا رہیا اے ۔

سیاست دان اک دوجے نوں نیواں وکھان لئی مندا چنگا بول رہے نیں جیہدا ردعمل کئی ویلے سخت ہو جاندا اے تے انج ای کُجھ دو دن پہلے نجی ٹی وی پروگرام وچ ہویا جدوں وفاقی وزیر دانیال عزیز نے نعیم الحق نوں کوئی گل آکھی تے اوہناں نے اگوں چپیڑ مار دتی۔ پر ہن چپیڑ توں بعد سوٹی دی انٹری ہوئی اے۔ پیپلز پارٹی دے رہنما نبیل گبول نے لائیو پروگرام وچ مسلم لیگ (ن) دے رہنما زعیم قادری نوں سوٹی وکھا دتی۔ نبیل گبول دا سوٹی وکھاندے ہوئے کہنا سی کہ ایہ سوٹی سارے مسلم لیگ (ن) والیاں نوں وکھا رہیا واں تے اوہناں نوں خبردار کرنا واں کہ اوہناں نال جو ہون والا اے اوہ چنگا نہیں اے۔