اسلام آباد( پاکستان پوائنٹ نیوز23۔مئی2018ء ) اسلام آباد ہائی کورٹ دے جسٹس شوکت عزیز نے رمضان پروگراماں بارے سنوائی دوران اینکر ساحر لودھی اُتے خفگی دااظہار کیتا۔ سنوائی دوران جسٹس شوکت عزیز رُو پئے۔ تفصیل مطابق رمضان ٹرانسمیشن کیس دی سنوائی دوران جسٹس شوکت عزیز رُو پئے۔ سنوائی دوران جسٹس شوکت عزیز نے اینکر ساحر لودھی اُتے خفگی دا اظہار کردے ہوئے آکھیا کہ ساحر لودھی تہانوں شرم آنی چاہیدی۔
تُسیں پروگرام وچ بالاں توں ڈانس کرواندے او۔ عدالت نے اینکر ساحر لودھی تے نبیل دی معافی قبول کر لی جدکہ عامر لیاقت دا توہین عدالت دانوٹس واپس ہون اُتے معاملا پیمرانوں گھل دتاگیا اے۔ جسٹس شوکت عزیز داکہنا سی کہ ڈاکٹر عامر لیاقت حسین ویناملک نوں پروگرام وچ اپنے نال بٹھالیندے نیں کیہ ایہ تقوی اے؟چیتے رہوے کہ اسلام آباد ہائی کورٹ نے رمضان ٹرانسمیشن بارے عدالتی حکم دی خلاف ورزی کرن والے 9ٹی وی چینلاں نوں نوٹس جاری کیتے سن۔
