کراچی(پاکستان پوائنٹ نیوز14۔مئی2018ء ) نواز شریف خلاف سندھ اسمبلی وچ قرارداد سانجھی رائے نال منظور کر لی گئی اے۔تفصیل مطابق سابق وزیراعظم نواز شریف دے قومی سلامتی تے ممبئی حملیاں بارے جھیڑوے بیان اُتے سندھ اسمبلی نے سانجھی قرارداد منظور کر لی۔ قرارداد حکومت تے اپوزیشن ولوں پیش کیتی گئی۔ قرارداد اُتے پیپلز پارٹی، ایم کیو ایم، مسلم لیگ فنکشنل، تحریک انصاف تے پی ایس پی ارکان نے دستخط کیتے۔
قرارداد وچ آکھیا گیاکہ نواز شریف دا بیان دہشت گردی خلاف جنگ لڑن والیاں دیاں قربانیاں نوں نقصان اپڑان دے برابر اے۔ نواز شریف نے پاکستانی آئین دے حلف دی خلاف ورزی کیتی۔ نواز شریف دا غیر ذمے وارانہ بیان ملکی سلامتی لئی خطرہ اے۔ قرارداد وچ آکھیا گیا کہ پورا ایوان نواز شریف دے بیان نوں مذمت کردا اے۔ نواز شریف اپنے بیان اُتے قوم توں معافی منگن۔
