کراچی(پاکستان پوائنٹ نیوز19۔مارچ2018ء) مشہور اینکر عامر لیاقت نے پاکستان تحریک انصاف وچ رلت دی تصدیق کر دتی اے۔ عمران خان نال پریس کانفرنس کرد ے ہوئے عامر لیاقت دا کہنا سی کہ پہلے ایم کیو ایم وچ سی تے ہن تحریک انصاف وچ آں، تحریک انصاف میرا آخرمی مقام اے۔ تفصیل مطابق مشہور ٹی وی اینکر و مذہبی سکالر ڈاکٹر عامر لیاقت نے پاکستان تحریک انصاف وچ رلت دی تصدیق کر دتی۔
اج اوہ پاکستان تحریک انصاف دے رہنما عمران اسماعیل دے گھر اپڑے جتھے عمران خان پہلے ای موجود سن۔ ایس موقعے تے پریس کانفرنس کردے ہوئے عمران خان نے عامر لیاقت حسین نوں پاکستان تحریک انصاف وچ جی آیاں آکھیا۔ ایس موقعے تے عامر لیاقت دا کہنا سی کہ مینوں اِنج لگ رہیا اے جیویں میں دیر توں پاکستان تحریک انصاف دا حصہ آں۔ میں تحریک انصاف جوائن کرن وچ بہت دیر کر دتی پر وڈے آکھدے نیں کہ دیر دے فیصلے ہمیشہ چنگے ہوندے نیں۔ اوہناں دا ہور کہنا سی کہ پہلے ایم کیو ایم وچ سی تے ہن پاکستان تحریک انصاف وچ آں تے ایہو میرا آخری مقام اے۔
