لاہور(پاکستان پوائنٹ نیوز12۔ستمبر2016ء) وزیر اعلا پنجاب میاں شہباز شریف نے آکھیا اے کہ مسلم لیگ (ن) دی حکومت دے 3 ورھے خدمت، دیانت تے شفافیت دی گواہی دے رہے نیں، تبدیلی کھوکھلے نعریاں نال نہیں ، لوکائی دی خدمت نال آوندی اے۔ تفصیل دے مطابق پیر دے دیہاڑے لاہور وچ مسلم لیگ (ن) دے وفد نال ملاقات دوران گل بات کردے ہوئے وزیر اعلا پنجاب میاں شہباز شریف نے آکھیا کہ لوکائی دی بے لوث خدمت لئی مٹی نال مٹی ہونا پیندا اے، دھرنا سیاست نے ملک و قوم دا ڈاڈھا نقصان کیتا۔
اوہناں نے آکھیا کہ کجھ سیاسی عناصر دی منفی سیاست نوں لوکائی رد کر چکی اے۔ ایہناں عناصر نے 2014 وچ دھرنا سیاست کر کے ملک و قوم دا ڈاڈھا نقصان کیتا۔ شہباز شریف نے آکھیا کہ لوکائی ملک و قوم دا نقصان کرن والیاں نوں ڈاڈھی طرحاں جاندی اے۔
