لاہور(پاکستان پوائنٹ نیوز12۔مارچ2018ء) پچھلے دیہاڑے سابق وزیراعظم نواز شریف اُتے جا معہ نعیمیہ وچ اک تقریب دوران اک بندے نے جُتی نال حملا کیتا سی۔ بعدوں جُتی مارن والے بندے نوں گرفتار کر کے جیل منتقل کر دتا گیا سی۔ میڈیا رپورٹس مطا بق سابق وزیر اعظم نواز شریف دی جامعہ نعیمیہ آمد توں پہلاں سکیورٹی دے سخت انتطامات کیتے گئے سن تے گڑھی شاہو وچ مدرسے نال جُڑیاں گلیاں تے دُکاناں بند کروا دتیاں گئیاں سن۔
ایس دوران سڑکاں اُتے ٹریفک وی جام رہی سی۔ نواز شریف لئی سکیورٹی اینی سخت کیتی گئی سی کہ جامعہ نعیمیہ اندر ہون والے پروگرام وچ رلت لئی آن والے پڑھیاراں نوں روک دتا گیا۔ جدوں مدرسے دے پڑھیاراں نوں تقریب وچ جان دی اجازت نہیں دتی گئی تے پڑھیاراں نے احتجاج کیتا تے ’گو نواز گو‘ دے نعرے لانے شروع کردتے۔
