اسلام آباد(پاکستان پوائنٹ نیوز27۔فروری2018ء) العزیزیہ سٹیل مل کیس وچ شریف خاندان خلاف ضمنی ریفرنس دائر کردتا گیا، نیب حکام ولوں دائر ریفرنس وچ استغاثہ دے 14گواہواں دے ناں شامل نیں، سابق نااہل وزیر اعظم نواز شریف تے اوہناں دے پُتراں نوں نامزد کیتا گیا اے۔تفصیل مطابق ضمنی ریفرنس دیاں دستاویزات مطابق تحقیقات وچ ایہ گل ساہمنے آئی اے کہ نواز شریف نے العزیزیہ سٹیل مل قائم کیتی جیہدیاں دستاویزات وی موجود نیں، العزیزیہ سٹیل ملز دے قیام تے اوس ویلے ملزم نواز شریف دی آمدن وچ واضح فرق اے ۔
دستاویزات مطابق حسین تے حسن نواز نے کاروبار سنبھالن وچ نواز شریف دی مدد کیتی۔ آئن لائن دستاویزات مطابق 2000تے 2001وچ ملزماں دے ڈکلیئر اثاثیاں دی مالیت 5کروڑ 94لکھ 870رُپئے تے 64ہزار 984ڈالر سی ۔ایہدے نال نال نیب حکام ولوں ہل میٹل اسٹیبلشمنٹ توں ہون والی ٹرانزیکشنز نوں وی ضمنی ریفرنس دا مقدمہ بنایا گیا اے۔ ایس توں وکھ استغاثہ دے 14گواہواں دے نال نال العزیزیہ سٹیل ملز ریفرنس وچ نواز شریف تے اوہناں دے دوویں پُتراں نوں ملزم نامزد کیتا گیا اے۔
