لاہور(پاکستان پوائنٹ نیوز27۔فروری2018ء) نیب نے پی ٹی آئی رہنما علیم خان نوں پہلی مارچ نوں ذاتی طور اُتے طلب کر لیا اے، علیم خان دے وکیل تے چیف فنانشل آفیسر دے جواباں توں مطمئن نہیں، علیم خان آپ پیش ہو کے سوالاں دا جوا ب دین۔ میڈیا رپورٹس مطابق نیب وسیلیاں دا کہنا اے کہ نیب لاہور نے تحریک انصاف دے مرکزی رہنما علیم خان نوں پہلی مارچ نوں سد لیا اے۔
نیب نے علیم خان نوں ذاتی حیثیت وچ پیش ہون دا حکم دتا اے۔ نیب وسیلیاں دا کہنا اے کہ علیم خان دے وکیل تے چیف فنانشل آفیسر دے جواباں توں مطمئن نہیں۔ علیم خان نوں پیغام گھلیا سی کہ اوہ ذاتی حیثیت وچ پیش ہو کے ساڈے سوالاں دا جواب دین۔ پر علیم خان پیغام دے مگروں وی قومی احتساب بیورو وچ پیش نہیں ہوئے۔ چیتے رہوے کہ علیم خان نوں آف شور کمپنی کیس وچ طلب کیتا گیا اے۔
