پشاور(پاکستان پوائنٹ نیوز26۔فروری2018ء) قومی احتساب بیورو خیبرپختونخوا نے سابق وفاقی وزیر و سابق سربراہ آئی ایس آئی جاوید اشرف قاضی دا ناں ایگزٹ کنٹرول لسٹ (ای سی ایل) وچ پان لئی وزارت داخلا نوں خط لکھ دتا۔ نیب ولوں وزارت داخلا نوں گھلے گئے خطے وچ آکھیا گیا اے کہ جاوید اشرف قاضی نے ریلوے گالف کلب لاہور دی قیمتی زمین وچ کرپشن کیتی تے اوہدی لیز اونے پونے ریٹ اُتے جاری کیتی۔ خط مطابق ایس کرپشن وچ ریلوے دے سابق ڈائریکٹر مارکیٹنگ خالد نقی تے کنٹریکٹر محمد رمضان شیخ وی ملوث سن۔ خط وچ آکھیا گیا کہ قومی خزانے نوں ارباں رُپئے دا نقصان اپڑان وچ ملوث ایہناں بندیاں نوں باہرلے ملک فرار ہون توں روکن لئی ایہناں دے ناں ای سی ایل وچ پائے جان۔
نیب دی سابق آئی ایس آئی سربراہ دا ناں ای سی ایل وچ پان دی درخاست
6 سال پچھے
