آصف زرداری دا عمران خان نوں ویاہ دی مبارک دین توں انکار

لاہور(پاکستان پوائنٹ نیوز23۔فروری2018ء) آصف زرداری نے عمران خان نوں ویاہ دی مبارک دین توں انکارکردتا۔ تفصیل مطابق سابق صدر مملکت و پیپلز پارٹی دے شریک چیئرمین آصف علی زرداری نے تحریک انصاف دے سربراہ عمران خان دے ویاہ اُتے ردعمل دتا اے۔ اک پریس کانفرنس دوران جدوں آصف علی زرداری توں عمران خان دے ویاہ بارے ردعمل دے حوالے نال پُچھیا گیا تے سابق صدر دا کہنا سی کہ میں تحریک انصاف دے سربراہ نوں مبارکباد نہیں دیواں گا۔کیونکہ عمران خان دے ساڈے نال کوئی مثالی تعلقات نہیں نیں، ایس لئی میں اوہناں دے ویاہ اُتے ردعمل دین توں پرہیز کرنا ای بہتر سمجھنا واں۔ چیتے رہوے کہ عمران خان نے کُجھ دن پہلاں بشری بی بی نال ویاہ کر لیا اے۔ایہ عمران خان دا تیجا ویاہ اے۔