اسلام آباد(پاکستان پوائنٹ نیوز22۔فروری2018ء) الیکشن کمیشن نے سینیٹ الیکشن لئی تن آپشنز بارے غور شروع کر دتا اے، ایہناں آپشنز وچ امیدواراں توں فیر ٹکٹس طلب کرن، طے شدہ شیڈول وچ ای رہ کے الیکشن کروان تے نویں شیڈول دے تحت سارے عمل نوں فیر دہران دا آپشن شامل اے۔ میڈیا رپورٹس مطابق الیکشن کمیشن حکام دا اجلاس جاری اے۔ اجلاس وچ مسلم لیگ (ن) دے قائد نواز شریف دی سپریم کور ٹ ولوں بطور پارٹی صدر نااہلی دے بعد پیدا ہون والی صورتحال دا جائزہ لیا گیا۔
الیکشن کمیشن حکام نے اجلاس وچ سینیٹ الیکشن دے انعقاد لئی تن آپشنز بارے غور کیتا، تاں جے مسلم لیگ (ن) دے امیدوار بطور پارٹی ٹکٹ ہولڈر الیکشن وچ حصہ لے سکن ۔ ایہناں تن آپشنز مطا بق الیکشن کمیشن امیدواراں توں فیر ٹکٹس طلب کر سکدا اے، سینیٹ الیکشن دے طے شدہ شیڈول وچ ای رہ کے الیکشن کروا سکدا اے یاں فیر نویں شیڈول دے تحت سارے عمل نوں فیر دہرایا جا سکدا اے۔ پر اجے ایہناں وچوں کوئی اک آپشن اُتے سانجھ نہیں ہوئی۔ ایس لئی الیکشن کمیشن دا اجلاس جاری اے۔
