زینب قتل کیس: مرکزی ملزم عمران علی عدالت وچ روندا رہیا

لاہور(پاکستان پوائنٹ نیوز16۔فروری2018ء) زینب قتل کیس دا مرکزی ملزم عمران علی عدالت وچ روندا رہیا۔ میڈیا رپورٹس مطابق زینب قتل کیس دا فیصلا پچھلے دیہاڑے محفوظ کر لیا گیا۔ مجرم عمران علی عدالتی کمرے وچ روندا رہیا۔ عمران علی دا کہنا سی کہ مینوں جِنی سزا دتی جائے گھٹ اے۔ ملزم نے کسے قسم دی قانونی مدد لین توں وی انکار کر دتا۔ ملزم دا ٹرائل مکمل کرن لئی 13,13گھنٹے دیاں لمیاں سنوائیاں وی ہوئیاں۔ چیتے رہوے کہ کوٹ لکھپت جیل وچ انسداد دہشت گردی دی اُچیچی عدالت دے جج سجاد احمد نے زینب قتل کیس دا فیصلا پچھلے دیہاڑے محفوظ کیتا سی جو کل سنایا جائے گا۔