اسلام آباد(پاکستان پوائنٹ نیوز15۔فروری2018ء) وفاقی راجدھانی دیاں 606مسجداں نے اِکو ویلے اذان تے نماز دی پابندی لئی رضا مندی ظاہر کر دتی اے۔ تفصیل مطابق وفاقی وزیر برائے مذہبی امور سردار یوسف ولوں دسیا گیا اے کہ وفاقی راجدھانی اسلام آباد دیاں مسجداں وچ اِکو ویلے اذان دین تے نماز پڑھن دی پابندی کروان دے حوالے نال اہم پیش رفت ہوئی اے۔ اسلام آباد دیاں کل 615مسجداں وچوں 606مسجداں نے اِکو ویلے ای اذان تے نماز دی پابندی دے نفاذ لئی رضا مندی ظاہر کر دتی اے۔
اوہناں دا کہنا سی کہ سارے مسلک دے علماء ولوں ’نظام صلاة‘ دے نفاذ لئی اپنی بھرپور حمایت دی یقین دہانی کروائی گئی اے۔ وفاقی حکومت ’نظام صلوة‘ نوں چھیتی نافذ کر دیوے گی۔ ایس نظام دا گھیرا پورے ملک تیکر کھلاریا جا سکدا اے۔
