بھارتی فوج دی بٹل سیکٹر اُتے انھے واہ فائرنگ، سکول وین دا ڈرائیور شہید

راولپنڈی(پاکستان پوائنٹ نیوز15۔فروری2018ء) بھارتی فوج ولوں ایل او سی تے ورکنگ باؤنڈری اُتے سیز فائر سمجھوتے دی خلاف ورزی دا کم جاری اے۔ بھارتی فوج نے ایل او سی دے بٹل سیکٹر اُتے انھے واہ فائرنگ کر دتی۔ فائرنگ دے نتیجے وچ سکول وین دا ڈرائیور شہید ہو گیا۔ آئی ایس پی آر مطابق بھارتی فوج دا شہریاں نوں نشانہ بنان دا غیر اخلاقی تے غیر پیشہ وارانہ سلسلا جاری اے۔ بھارتی فوج نے ایل او سی دے بٹل سیکٹر اُتے اک وار انھے واہ فائرنگ کیتی اے۔ بھارتی فوج نے سکولی بالاں نوں لیجان والی سکول وین اُتے فائرنگ کیتی۔ آئی ایس پی آر ولوں سوشل میڈیا اُتے سکول وین وچ بیٹھی اک پڑھیار دی ویڈیو وی شیئر کیتی گئی، ویڈیو وچ پڑھیار نے بھارتی اشتعال انگیزی بارے دسیا۔ دوجے پاسے وزیر اعظم آزاد کشمیر دا کہنا اے کہ سکول وین وچ چار پڑھیار سوار سن۔