اسلام آباد(پاکستان پوائنٹ نیوز15۔فروری2018ء) وفاقی وزیر ریلوے خواجا سعد رفیق نے آکھیا اے کہ نواز شریف نوں جی ٹی روڈ توں جان دا مشورہ سبھ توں پہلاں میں دتاسی، پارٹی دے پنج توں چھ سینئر رہنماواں نے موٹروے توں جان دا مشورہ دتا۔ اوہناں نے اج میڈیا نال گل بات کردے ہوئے آکھیا کہ کوئی ذی شعور انسان تحریک انصاف وچ نہیں جائے گا۔ چودھری نثار پرانے سیاستدان نیں اوہ انج نہیں کرن گے۔
اوہناں نے آکھیا کہ نواز شریف تے چودھری نثار علی خان دا معاملا چھیتی حل ہو جائے گا۔ نواز شریف نے چودھری نثار علی خان بارے کوئی بیان نہیں دتا۔لاہور لئی جی ٹی روڈ توں جان دا بیان کسے اک بندے نال جوڑ نا ٹھیک نہیں اے۔ خواجا سعد رفیق نے آکھیا کہ نواز شریف نوں جی ٹی روڈ توں جان دا مشورہ سبھ توں پہلاں میں دتاسی۔ اوہناں نے آکھیا کہ نواز شریف نوں موٹروے راہیں لاہور جان دا مشورہ سکیورٹی خدشیاں کارن دتا گیا۔ ریلی دوران اک دو تھاواں اُتے خطرے دا ساہمنا وی رہیا۔
