امریکا پاکستان نوں دہشت گردی دے معاون ملکاں دی عالمی واچ لسٹ وچ شا مل کران لئی ہتھ پیر مارن لگا

امریکا پاکستان نوں دہشت گردی دے معاون ملکاں دی عالمی واچ لسٹ وچ شا مل کران لئی ہتھ پیر مارن لگا

اسلام آباد(پاکستان پوائنٹ نیوز14۔فروری2018ء) امریکا پاکستان نوں دہشت گردی دے معاون ملکاں دی عالمی واچ لسٹ وچ شامل کران لئی ہتھ پیر مارن لگا۔ غیر ملکی خبر ایجنسی مطابق امریکا آؤندے ہفتے فنانشل ٹاکس فورس اجلاس وچ پاکستان خلاف تحریک پیش کرے گا۔ ایس حوالے نال غیر ملکی میڈیا نال گل بات کردے وئے مشیر خزانہ مفتاع اسماعیل دا کہنا اے کہ امریکا نوں منان دی کوشش کراں گا، امریکا نہ وی منیا تے نامزدگی واپس کروا لواں گے۔

اوہناں دا کہنا سی کہ واچ لسٹ وچ نامزدگی رکوان لئی امریکا، برطانیہ، فرانس تے جرمنی نال رابطے وچ آں۔ چیتے رہوے کہ امریکا دے ایس فیصلے کارن پاکستان اُتے اقتصادی پابندیاں لگن دا وی امکان اے جدکہ پاکستان لئی ورلڈ بنک توں قرضیاں دا حصول وی ناممکن ہو جائے گا۔