لودھراں وچ تحریک انصاف دی ہار: مشہور پرچاکار وجاہت سعید خان نے عمران خان نوں تنقید دا نشانہ بنا دتا

ہار پی ٹی آئی دا مقدر سی، عمران خان اپنا انداز بدلن، ہفتے وچ اک جلسہ کرن تے ٹی وی انٹرویوز دین والے طریقے پرانے ہو گئے نیں: وجاہت سعید خان

لودھراں وچ تحریک انصاف دی ہار: مشہور پرچاکار وجاہت سعید خان نے عمران خان نوں تنقید دا نشانہ بنا دتا
 ہار پی ٹی آئی دا مقدر سی، عمران خان اپنا انداز بدلن، ہفتے وچ اک جلسہ کرن تے ٹی وی انٹرویوز دین والے طریقے پرانے ہو گئے نیں: وجاہت سعید خان

کراچی(پاکستان پوائنٹ نیوز13۔فروری2018ء)لودھراں وچ تحریک انصاف دی ہار اُتے مشہور پرچا کار وجاہت سعید نے عمران خان نوں تنقید دا نشانہ بنا دتا۔ وجاہت سعید خان دا کہنا سی کہ لودھراں دی ہار پی ٹی آئی دا مقدر سی، عمران خان اپنا انداز بدلن، ہفتے وچ اک جلسہ کرن تے ٹی وی انٹرویوز دین والے طریقے پرانے ہو گئے نیں۔ تفصیل مطابق لودھراں دے حلقے این اے 154دے ضمنی الیکشن وچ پی ٹی آئی نوں الیکشن ہارن اُتے وڈا جھٹکا لگا اے۔

ایس موقعے تے مشہور پرچکار وجاہت سعید خان نے اپنے ویڈیو پیغام وچ عمران خان نوں تنقید دا نشانہ بناندے ہوئے آکھیا کہ لودھراں وچ تحریک انصاف نے ہارنا ای سی کیونکہ ایہ کچی کندھ سی۔ اوہناں دا کہنا سی کہ خان صاحب ہن ایہ طریقے پرانے ہو گئے نیں۔ ہفتے مگروں جلسے کرن تے ٹی وی انٹرویز نال الیکشن نہیں جِتیا جاندا۔ ایہ طریقے 2013وچ تے ٹھیک ہو سکدے سن پر ہن ویلا بدل گیا اے۔

وجاہت خان دا کہنا سی کہ تحریک انصاف زمینی حقائق نوں سنجیدہ نہیں لے رہی۔ اوہناں نے الیکشن نوں اولمپکس سمجھ لیا اے۔ دوجے پاسے تہاڈا مخالف نااہل ہوندا اے ، بے عزت ہوندا اے تے اوہ گھر بِہن دی بجائے لوکاں وچ جاندا اے تے زمینی حقاں مطابق کم کردا اے۔ اوہ جاندے ہوئے وی ’مجھے کیوں نکالا‘ دا نعرہ لاندا اے، ایہو نعرہ اوہدی تحریک بن جاندا اے۔ کراچی وچ اینا کُجھ ہوندا اے پر تُسیں غائب رہندے او۔ اوہناں دا کہنا سی کہ ملک دے وزیر اعظم نوں نااہل کروا دین والی جماعت دا غیر سنجیدہ رویہ سمجھ توں باہر اے۔