لودھراں(پاکستان پوائنٹ نیوز12۔فروری2018ء) پاکستان پیپلز پارٹی لودھراں دے ضمنی الیکشن وچ ڈاڈھی طرحاں ناکام ہوگئی۔ آصف زرداری تے بلاول بھٹو دی مہم وی کم نہ آئی، پنجاب وچ گھٹ ووٹ لین دا نواں ریکارڈ قائم کر دتا۔ تفصیل مطابق جنوبی پنجاب جو کدی پاکستان پیپلز پارٹی دا گڑھ سمجھیا جانا سی۔اوتھے پارٹی قیادت دیاں پالیسیاں نے پیپلز پارٹی دا لک توڑ دتا اے۔
آصف زرداری تے بلاول بھٹو زرداری پیپلز پارٹی نوں مُڑ پنجاب وچ زندہ کرن لئی پرزور مہم چلا رہے نیں۔ ایس سلسلے وچ اوہناں نے 5فروری نوں لاہور موچی گیٹ وچ جلسہ وی کیتا۔پر ہن پاکستان پیپلز پارٹی لودھراں دے ضمنی الیکشن وچ ڈاڈھی طرحاں ناکام ہوگئی۔ این اے 154دے ضمنی الیکشن وچ 130توں ودھ پولنگ سٹیشناں توں 1046ووٹ حاصل لے کے پنجاب وچ گھٹ ووٹ لین دا نواں ریکارڈ قائم کر دتا۔
