لودھراں(پاکستان پوائنٹ نیوز12۔فروری2018ء) این اے 154لودھراں دے ضمنی الیکشن وچ تحریک لبیک یا رسول اللہﷺ نے اک وار فیر حیران کر دتا اے۔ تفصیل مطا بق این اے 154لودھراں وچ جہانگیر ترین دی نااہلی مگروں خالی ہون والی سیٹ اُتے اج ضمنی الیکشن ہویا۔ ضمنی الیکشن دے سلسلے وچ نتیجے آن دا سلسلہ وی جاری اے۔ ہن تیکر ملن والے غیر سرکاری تے غیر حتمی نتیجے مطابق جتھے تحریک انصاف تے (ن) لیگ وچکار کانٹے دار مقابلہ جاری اے اوتھے تحریک لبیک یار سول اللہﷺ دے امیدوار نے اک وار فیر حیران کرن دتا اے۔
ہن تیکر ملن والے غیر سرکاری تے غیر حتمی نتیجے مطابق تحریک لبیک یا رسول اللہﷺ دے امیدوار نے پیپلز پارٹی دے امیدوار نوں پچھانہ چھڈدے ہوئے تیجی پوزیشن حاصل کر لئی اے۔ چیتے رہوے کہ پچھلے سال ضمنی الیکشن وچ وی تحریک لبیک یا رسول اللہﷺ نے بہتے ووٹ لیندے ہوئے حیران کر دتا سی۔
