لاہور(پاکستان پوائنٹ نیوز08۔فروری2018ء) پولیس مقابلے شہباز شریف دی مرضی نال ہوندے سن،سارے جعلی مقابلے وڈے افسراں دی مرضی نال کیتے۔ تفصیل مطابق پچھلے دیہاڑے مشہور گینگسٹر و سابق پولیس انسپکٹر عابد باکسر نوں دبئی توں گرفتار کر لیا گیا سی۔ عابد باکسر دی گرفتاری انٹرپول راہیں ممکن ہوئی۔ خوف دی علامت سمجھے جان والا عابد باکسر جعلی پولیس مقابلیاں دا ماسٹر مائنڈ سی۔
عابد باکسر گوالمنڈی، فیروزوالا تے ہور مقدمیاں وچ ملوث سی۔ عابد باکسر نے 2014وچ دتے گئے انٹرویو دوران آکھیا سی کہ پولیس مقابلے شہباز شریف دی مرضی نال ہوندے سن۔ سارے جعلی مقابلے وڈے افسراں دی مرضی نال کیتے۔ عابد باکسر نے ہور الزام لاؤندے آکھیا کہ عمر ورک وی جعلی مقابلیاں دا ماہر اے اوہنے سبزہ زار وچ مبین بٹ نوں ماریا سی۔ عمر ورک نے میرے ماموں نوں وی قتل کیتا۔
