اسلام آباد(پاکستان پوائنٹ نیوز08۔فروری2018ء) پاکستان تحریک انصاف نے لاہور وچ جلسہ کرن دا فیصلاکر لیا۔ پی ٹی آئی قیادت نے 23مارچ نوں لاہور وچ وڈا جلسہ کرن لئی صلاح مشورہ شروع کر دتا۔ تفصیل مطابق پچھلے کُجھ ہفتیاں دوران (ن) لیگ ولوں کیتے گئے جلسیاں دے نتیجے وچ پیدا ہون والے تاثر نوں دور کرن تے کارکناں وچ پائی جان والی مایوسی دے خاتمے لئی سنٹرل پنجاب دے صدر عبدالعلیم خان نے چیئرمین عمران خان نوں ایہ تجویز دتی اے کہ بیتے ویلے دے تِنوں وڈے جلسیاں وانگ ایس وار وی 23مارچ نوں مینار پاکستان اُتے اک میگا پاور شور کیتا جائے۔
جہدے مگروں پاکستان تحریک انصاف نے لاہور وچ وڈا جلسہ کرن لئی غور شروع کر دتا اے۔ پی ٹی آئی قیادت نے 23مارچ نوں لاہور وچ وڈا جلسہ کرن لئی صلاح مشورہ شروع کر دتا۔
