جماعت اسلامی نے مشال خان قتل کیس وچ رہا ہون والیاں دا استقبال کرن دیاں خبراں نوں رد کر دتا

ہری پور(پاکستان پوائنٹ نیوز08۔فروری2018ء) جماعت اسلامی نے مشال خان قتل کیس وچ رہا ہون والے بندیاں دا استقبال کرن دیاں خبراں نوں رد کر دتا اے۔ تفصیل مطابق مردان یونیورسٹی وچ بے دردی نال قتل کیتے جان والے نوجوان پڑھیار مشال خان قتل کیس دا فیصلا پچھلے دیہاڑے سُنایا گیا سی۔ عدالت نے کیس دا فیصلا سناندے ہوئے اک ملزم نوں موت دی سزا، پنج نوں 25،25سال قید تے 26بندیاں نوں بری کرن دا حکم دتا سی۔

بری کیتے گئے 26 بندیاں دا جماعت اسلامی تے جے یو آئی (ف) دے رہنماواں نے برہان انٹرچینج اُتے چاہواں نال استقبال کردے ہوئے اوہناں نوں غازی تیکر دا لقب دتا۔جہدے مگروں جماعت اسلامی تے جے یو آئی (ف)نوں ڈاڈھی تنقید دا نشانہ بنایا گیا۔ پر ہن جماعت اسلامی نے ایس سارے فعل دی ویڈیو موجود ہون مگروں وی اوہنوں ردکر دتا اے۔ جماعت اسلامی دا کہنا اے کہ بری ہون والے بندیاں دا استقبال اوہناں دے گھر والیاں نے کیتا۔