فوج تے عدلیہ خلاف بیان بازی دی کوئی گنجائش نہیں

کابینہ اجلاساں وچ بار بار آکھیا فوج تے عدلیہ خلاف بیان بازی نہ کرو: وزیر اعظم شاہد خاقان عباسی

فوج تے عدلیہ خلاف بیان بازی دی کوئی گنجائش نہیں
کابینہ اجلاساں وچ بار بار آکھیا فوج تے عدلیہ خلاف بیان بازی نہ کرو: وزیر اعظم شاہد خاقان عباسی

اسلام آباد(پاکستان پوائنٹ نیوز08۔فروری2018ء) وزیر اعظم شاہد خاقان عباسی دا کہنا اے کہ فوج تے عدلیہ خلاف بیان بازی دی کوئی گنجائش نہیں، کابینہ اجلاساں وچ بار بار آکھیا فوج تے عدلیہ خلاف بیان بازی نہ کرو۔ تفصیل مطابق وزیر اعظم شاہد خاقان عباسی نے نجی ٹی وی چینل دے پروگرام وچ گل بات کردے ہوئے (ن) لیگی وزیراں ولوں عدلیہ تے فوج خلاف کیتی جان والی بیان بازی اُتے آکھیا کہ فوج تے عدلیہ ریاست دے اہم ادارے نیں اوہناں خلاف بیان بازی دی کوئی گنجائش نہیں اے۔

اوہناں دا ہور کہنا سی کہ کابینہ اجلاساں وچ بار بار آکھ چکیا آں کہ فوج تے عدلیہ خلاف بیان بازی نہ کرو۔اوہناں دا کہنا سی کہ جے طلال چودھری تے دانیال عزیز دے لفظاں توں کسے دے جذبات مجروح ہوئے تے اوہناں نوں معافی منگنی چاہیدی۔