راولپنڈی(پاکستان پوائنٹ نیوز06۔فروری2018ء) چیف آف آرمی سٹاف جنرل قمر جاوید باجوہ دی شہید سپاہی دے تابوت نوں موڈھا دین دی تصویر انٹرنیٹ اُتے وائرل ہوگئی اے۔ تفصیل مطابق پاکستانی لوکائی دا اپنے بہادر فوجیاں نال اک خاص دلی تعلق رہیا اے۔ ویلے دے لاہ چڑھا وی لوکائی دے دلاں توں فوج دی عزت نوں گھٹ نہیں کرسکے۔ پاک فوج نال جُڑیاں وڈیاں خبراں چھیتی ای لوکائی وچ مشہور ہو جاندیاں نیں ، جے ایہو خبر آرمی چیف نال جُڑی ہوئی تے اوہ خبر ترقی دے انبراں نوں چھوہن لگ پیندی اے۔
ایس حوالے نال سابق آرمی چیف جنرل راحیل شریف نے بہت مقبولیت حاصل کیتی پر موجودہ آرمی چیف جنرل قمر جاوید باجوہ وی لوکائی وچ مقبول ہوندے جا رہے نیں۔ پچھلے دیہاڑے چیف آف آرمی سٹاف جنرل قمر جاوید باجوہ دی شہید سپاہی نوں موڈھا دین دی تصویر سوشل میڈیا اُتے وائرل ہو گئی اے۔ سوشل میڈیا ورتیندڑاں نے آرمی چیف دے ایس فعل نوں ڈاڈھا سلاہیا اے۔
