لاہور(پاکستان پوائنٹ نیوز06۔فروری2018ء) کُجھ خفیہ طاقتاں پیر سیالوی نوں استعمال کرن دی کوشش کر رہیاں نیں۔تفصیل مطابق پیر حمید الدین سیالوی دے پُتر نظام الدین سیالوی نے نجی ٹی وی چینل نوں انٹرویو دیندے ہوئے آکھیا اے کہ اسیں رانا ثناء اللہ دی وضاحت اُتے مطمئن آں۔ پیر سیالوی شریف نوں حکومت خلاف استعمال کرن دی سازش کیتی جا رہی سی۔ اک کوشش ناکام ہون اُتے ہور کوششاں کیتیاں جا رہیاں نیں۔
اپنے انٹرویو دوران اوہناں دا کہنا سی کہ کُجھ خفیہ طاقتاں نے جلسے مگروں سانوں دھرنا دین دا آکھیا۔ اوہی خفیہ طاقتاں نے قاسم سیالوی نوں وی غلط گائیڈ کیتا۔ اوہناں طاقتاں دی خاہش اے کہ سانوں حکومت خلاف ورتیا جائے۔ نظام الدین سیالوی دا کہنا سی کہ اسیں صوبائی وزیر قانون رانا ثناء اللہ خان دی وضاحت اُتے مطمئن آں۔ خفیہ طاقتاں پیر سیال شریف نوں استعمال کرنیاں چاہندیاں نیں جہدے لئی اوہناں سانوں پیسیاں دی آفر وی کیتی ۔ اوہناں دا کہنا سی کہ مذہبی معاملے نوں سیاسی رنگ دین دی کوشش کیتی گئی پر اسیں اوہناں نوں صاف آکھ دتا کہ تُسیں کوئی ہور گھر ویکھو۔
