رحیل شریف نوں سرخاب دے پر لگے نیں جو اوہ سپریم کورٹ وچ پیش نہیں ہو سکدے

اسلام آباد(پاکستان پوائنٹ نیوز05۔فروری2018ء) نجی ٹی چی چینل دے پروگرام وچ گل بات کردے ہوئے مشہور پرچا کار حامد میر نے آکھیا کہ آؤندے پندرھاں دناں وچ کُجھ اجیہا ہون والا اے کہ سبھ گھبرا جان گے۔ اوہناں د اکہنا سی کہ جے آئین دے آرٹیکل 190نوں ساہمنے رکھیے تے تہانوں سبھ پتا ہوئے گا۔ میں عدلیہ نال محاذ آرائی دا سپورٹر نہیں آں، پر اوہ کم جو آئین تے انصاف دی منگ اے، اوہ ضرور ہونا چاہیدا۔

اوہناں دا کہناسی کہ پچھلے کُجھ جلسیاں وچ اپنیاں تقریراں وچ نواز شریف پرویز مشرف دے معاملے اُتے ہوا وچ مُکے لہرارہے نیں جدکہ وزیر داخلا احسن اقبال نے وی مطالبہ کیتا اے کہ پرویز مشرف نوں انصاف دے کٹہرے وچ لیاندا جائے۔ حامد میر نے آکھیاکہ پرویز مشرف نوں انصاف دے کہڑے وچ لیانا سپریم کورٹ دی ذمے واری اے۔ سپریم کورٹ نوں چاہیدا کہ اوہ مشرف دا نوٹس لین، تے نال ای خادم حسین رضوی، جہناں نے سپریم کورٹ نوں گالھاں کڈھیاں، اوہناں دا وی نوٹس لین۔ اوہناں دا کہنا سی کہ رحیل شریف نوں سرخاب دے پر لگے نیں جو اوہ سپریم کورٹ وچ پیش نہیں ہو سکدے۔