لاہور(پاکستان پوائنٹ نیوز03۔فروری2018ء) سیال شریف دے سجادہ نشین پیر حمید الدین سیالوی دے مطالبے اُتے وزیر قانون پنجاب رانا ثناء اللہ کمیٹی ساہمنے پیش ہو گئے نیں۔ سیال شریف دے پیر نظام الدین سیالوی نے آکھیا اے کہ رانا ثناء اللہ نے سانوں بڑی حد تیکر مطمئن کر دتا اے۔ میڈیا رپورٹس مطابق وزیر قانون پنجاب رانا ثناء اللہ اج سیال شریف دے سجادہ نشین پیر حمید الدین سیالوی دے مطالبے اُتے قائم کمیٹی ساہمنے پیش ہوئے۔
کمیٹی ساہمنے پیشی دوران رانا ثناء اللہ نے پیر حمید الدین دے تحفظاں نوں دور کیتا۔ کمیٹی وچ سید ریاض حسین شاہ، مفتی عبدالعلیم، مولانا رحمت اللہ تے وزیر اوقات زعیم قادری شامل سن۔اجلاس وچ رکن اسمبلی حمزہ شہباز وی سن۔ پیر نظام الدین سیالوی نے آکھیا اے کہ رانا ثناء اللہ نے سانوں بہت حد تیکر مطمئن کر دتا اے۔
