اسلام آ باد(پاکستان پوائنٹ نیوز03۔فروری2018ء) عوامی مسلم لیگ دے سربراہ شیخ رشید نے آکھیا اے کہ قوم نال وعدہ کیتا سی کہ ملک وچ تاریخ دی مہنگی ترین ایل این جی لیان والے تے کمیشن کھان والیاں نوں بے نقاب کراں گے۔ نہال، طلال، دانیال ، نواز شریف تے مریم نواز سنے سارے جیلاں وچ جان گے۔ نواز شریف آپ ڈکٹیٹر دی پیداواراے، کہڑے مونہ نال ڈکٹیٹر آن دا گِلہ کردے نیں۔
سپریم کورٹ دے باہر شیخ رشید نے میڈیا نال گل بات کردے ہوئے آکھیا کہ لوکائی نال وعدہ کیتا سی کہ ایل این جی کرپشن کیس وچ مسلم لیگ (ن) دی حکومت نوں بے نقا ب کراں گے کیونکہ ایہ دنیا دی مہنگی ترین ایل این جی پاکستان وچ درآمد کر رہے نیں۔ اوہناں دا کہنا سی کہ ایل این جی وچ کمیشن لِتے گئے نیں تاریخ دے سبھ توں مہنگے ایل این جی سمجھوتے دیاں دستاویزات کڈھنا بڑا اوکھا کم سی پر اسیں لوکائی نال وعدہ کیتا سی کہ اوہناں نوں عدالت وچ کھڑا کراں گے۔
اوہناں نے نواز شریف نوں تنقید دا نشانہ بناندے ہوئے آکھیا کہ اوہ آپ فوجی ڈکٹیٹر دی پیداوار نیں تے فیر آکھدے نیں کہ ایتھے ڈکٹیٹر آؤندے نیں۔شیخ رشید دا ہور کہنا سی کہ نہال، طلال، دانیال ، نواز شریف تے مریم نواز سنے سارے جیلاں وچ جان گے۔
