پاکستانی حاجیاں دا کوٹہ ودھن دا امکان

اسلام آباد(پاکستان پوائنٹ نیوز01۔فروری2018ء) پاکستانی حاجیاں دا کوٹہ ودھن دا امکان اے۔ تفصیل مطابق وفاقی وزیر برائے مذہبی اموار سردار یوسف نے سعودی وزیر برائے مذہبی اموار توں پاکستانی حاجیاں دا کوٹہ ودھان دی درخاست کیتی اے۔ وفاقی وزیر نے پاکستانی حاجیاں نوں ٹرین دی 100فیصد سہولت دین دی درخاست وی کیتی اے۔ ایس حوالے نال سعودی وزیر نے مثبت جواب دتا اے۔ سعودی وزیر نے پاکستانی حاجیاں دی گنتی ودھان دی درخاست اُتے غور دی یقین دہانی کروا دتی اے۔ ممکنہ طور اُتے اگلے ورھے پاکستانی حاجیاں دا کوٹہ ودھن دا امکان اے۔ یاد رہوے کہ چالو ورھے پاکستان توں 1لکھ 79ہزار 210بندے حج کرن لئی جان گے۔