نیپرا نے بجلی دی قیمت وچ 2رُپئے98پیسے فی یونٹ کمی دی منظوری دے دتی، نوٹی فکیشن جاری

اسلام آباد(پاکستان پوائنٹ نیوز31۔جنوری2018ء) نیشنل الیکٹرک پاور ریگولیٹری اتھارٹی (نیپرا) نے بجلی دی فی یونٹ قیمت وچ 2 رُپئے 98پیسے کمی کر دتی۔ تفصیل مطابق نیپرا نے بجلی دی قیمت وچ 2رُپئے98پیسے فی یونٹ کمی دی منظوری دے دتی اے، جہدا باقاعدہ نوٹی فکیشن وی جاری کر دتا گیا اے۔ نیپرا حکام مطابق بجلی دی قیمت وچ کمی دسمبر دی مہینہ وار فیول ایڈجسٹمنٹ دی مد وچ کیتی گئی اے۔ نیپرا نے بجلی دیاں ونڈ کار کمپنیاں نوں ہدایت کیتی کہ ورتیندڑاں نوں فروری دے بلاں وچ بجلی دی قیمت اندر کمی دا ریلیف دتا جائے۔ فیصلے دا اطلاق کے الیکٹرک تے مہینہ 300یونٹ تیکر بجلی ورتن والیاں اُتے نہیں ہوئے گا۔