اسلام آباد(پاکستان پوائنٹ نیوز30۔جنوری2018ء) مسلم لیگ (ن) دے صدر و سابق وزیر اعظم نواز شریف دی صدارت ہیٹھ پارٹی دا اُچیچا اجلاس ہویا۔ اجلاس وچ ملکی سیاسی صورتحال، سینیٹ الیکشن تے آؤندے جنرل الیکشن بارے وچار وٹاندرا کیتا گیا۔ اجلاس وچ نواز شریف دے عوامی جلسیاں اُتے اعتماد دا اظہار کیتا گیا۔ میڈیا رپورٹس مطابق (ن) لیگ دے صدر نواز شریف دی صدارت ہیٹھ پنجاب ہاؤس وچ پارٹی دے سینئر رہنماواں دا اجلاس ہویا۔
اجلاس وچ عوامی رابطہ مہم ہور تیز کرن دا فیصلا کیتا گیا۔ پارٹی اجلاس وچ آؤندے مہینے نواز شریف دے سندھ،خیبرپختونخوا تے کشمیر وچ عوامی جلسے کرن دا فیصلا تے شیڈول بنایا گیا۔ سابق وزیر اعظم نواز شریف پہلی فروری نوں 2دن لئی کراچی جان گے۔ کراچی اپڑن اُتے نواز شریف دا چاہواں نال استقبال کیتا جائے گا۔ مسلم لیگ (ن) دے صدر نواز شریف 4فروری نوں پشاور تے 5فروری نوں مظفر آباد وچ جلسے نال خطاب کرن گے۔ ایس توں پہلاں نواز شریف اج اپنی دھی مریم نواز نال احتساب عدالت وی پیش ہوئے۔
